Building God's House
A study on the church as God's house, exploring the metaphor of living stones building a spiritual temple, the role of believers as a holy priesthood, the importance of unity in both local and universal church, and the dangers of harming the body of Christ.
GIFT SCRIPTURE STUDIES (TAGALOG-ENGLISH)
📅 October 8, 2025 / 6:30–8:30 PM
FOREWORD
Ang pangunahing tema ng aklat na ito ni David Bernard (UPCI GS) ay kung paano dapat mamuhay ang mga Apostolic Pentecostals at kung paano dapat maglingkod ang Apostolic church sa isang makabagong at iba’t ibang uri ng mundo (diverse, postmodern world).
FIRST SECTION: “DEVELOPING AN APOSTOLIC WORLDVIEW”
(Ipinapakita ng seksyong ito kung paano naiiba ang Apostolic movement kumpara sa iba’t ibang makasaysayan at makabagong kilusang Kristiyano. Inilalarawan din nito ang mahahalagang elemento ng isang Apostolic worldview.)
Topic: “BUILDING GOD’S HOUSE”
“You also, as living stones, are being built up a spiritual house, a holy priesthood, to offer up spiritual sacrifices acceptable to God through Jesus Christ.”
— 1 Peter 2:5
The Church as God’s People
Ang simbahan ay hindi gusali, kundi ang mga tao ng Diyos.
Bagaman ang muling pagsilang (new birth) ay isang personal na karanasan, ang kaligtasan ay hindi nagaganap nang mag-isa. Tayo ay naliligtas bilang bahagi ng Iglesia.
Ang bawat mananampalataya ay tulad ng isang batong buhay, at ang kabuuang Iglesia ay isang Templo na binubuo ng mga batong ito.
Living Stones
Ang mga bato ay matibay, matatag, at pangmatagalan, kaya’t ginagamit sa pagtatayo ng mga gusali. Ganoon din, dapat maging matatag ang mga mananampalataya sa kanilang pananampalataya—humuhugot ng lakas mula sa Salita ng Diyos.
Ngunit ang pagkakaiba natin, tayo ay “mga batong buhay.”
Tayo ay may espirituwal na sigla, pagiging sensitibo, at buhay na nagmumula sa Espiritu ng Diyos.
The Value of Unity
Ang bawat bato ay may sariling halaga, ngunit nagiging makabuluhan lamang kapag pinag-isa.
Ang mga batong hiwa-hiwalay ay walang silbi, ngunit kapag pinagsama sa isang pader, nagiging bahagi sila ng isang matatag na gusali.
Ganoon din sa church—ang bawat isa ay may gampanin, ngunit kailangan ng pagkakaisa upang maganap ang layunin ng Diyos.
Walang saysay ang isang building na walang pundasyon, dingding, o bubong. Kailangan ang buong estruktura upang maging matibay ang tahanan.
Upang maging bahay ng Diyos ang simbahan, kinakailangan ng maayos na church structure at leadership. Ang bawat kasapi ay dapat kumilos sa pagkakaisa, may respeto sa pamunuan—kapwa sa administrative at spiritual na aspeto. Minsan nagkakasabay ang mga tungkulin, ngunit lahat ito ay para sa iisang layunin.
The Universal and Local Church
Ang salitang church ay tumutukoy sa dalawang bagay:
- Ang unibersal na katawan ng lahat ng mananampalataya (Matthew 16:18)
- Ang mga lokal na kongregasyon sa bawat lugar
Gaya ng isinulat ni Pablo:
“Unto the church of God which is at Corinth… with all that in every place call upon the name of Jesus Christ our Lord, both theirs and ours.”
— 1 Corinthians 1:2
Ang bawat Kristiyano ay dapat maging bahagi ng isang lokal na iglesia—tapat sa mga gawain, nagpapasakop sa mga pinuno (Hebrews 10:25; 13:7).
Ganoon din, ang mga lokal na simbahan ay dapat makiisa sa pangkalahatang katawan ng Iglesia, nakikibahagi sa mga programa, at nananagot sa pamunuan (Acts 16:4–5; 2 Corinthians 8:18–19).
The Temple and Holy Priesthood
Sa ating pagkakaisa, tayo ay nagiging espirituwal na templo kung saan nananahan at nahahayag ang presensya ng Diyos.
Tayo rin ay banal na saserdote (holy priesthood) na naghahandog ng mga espirituwal na hain sa Diyos.
Sa Lumang Tipan, tanging ang mga Levita lamang ang maaaring maging pari.
Ngunit sa Bagong Tipan, lahat ng mananampalataya ay itinuturing na pari—lalaki man o babae, anuman ang lahi.
Tayo ay tinawag upang maghandog ng:
- pagpupuri,
- pasasalamat,
- paggawa ng mabuti, at
- pagbabahagi ng biyaya (Hebrews 13:15–16).
The Church as a Field and Building
“You are God’s field; you are God’s building.”
— 1 Corinthians 3:9 (NLT)
Ang simbahan ay tulad ng bukirin (field) kung saan nagtatanim at nagdidilig ang mga ministro, ngunit Diyos ang nagbibigay ng paglago.
Ito rin ay tulad ng gusali (building) kung saan si Jesus ang pundasyon.
Marami tayong nagagawa para sa sarili na hindi masama, ngunit ang tanging magtatagal ay ang mga bagay na ginawa natin para sa kaharian ng Diyos.
Desecrating the Temple
“Hindi baga ninyo nalalaman na kayo’y templo ng Dios, at ang Espiritu ng Dios ay nananahan sa inyo? Kung gibain ng sinuman ang templo ng Dios, siya’y igigiba ng Dios…”
— 1 Corinthians 3:16–17
Ang ating mga katawan ay templo ng Diyos, kaya’t dapat nating ingatan ang mga ito (1 Corinthians 6:19–20).
Ngunit sa I Corinthians 3, ang “kayo” ay nasa pangmaramihan, na tumutukoy sa kabuuang katawan ng mga mananampalataya.
Kaya’t kapag sinisira natin ang pagkakaisa ng mga lingkod ng Diyos—sa pamamagitan ng inggit, alitan, tsismis, o kompetisyon—nilalapastangan natin ang templo ng Diyos.
Maging maingat sa ating pananalita, pagsusulat, at maging sa paggamit ng social media, sapagkat dito rin maaaring masira ang pagkakaisa ng katawan ni Cristo.
Strong Foundation and Unified Structure
Kailangan ng simbahan ng matibay na doktrina na walang kompromiso, at estrukturang nagtataguyod ng pagkakaisa.
Dapat tayong magtaglay ng respeto sa pagkakaiba at magbigay-halaga sa bawat kasapi.
Sa pamamagitan ng Salita ng Diyos at ng Espiritu, maitatayo natin ang Tahanan ng Panginoon—at mula rito, maihahatid natin ang revival sa buong mundo.