Ang Tunay na Daan Patungong Langit
Saan Nga Ba Ang Daan Patungong Langit?
“Sinabi sa kaniya ni Jesus, Ako ang daan, ang katotohanan, at ang buhay: walang makaparoroon sa Ama kundi sa pamamagitan Ko.” — Juan 14:6
Ililigtas ba ako ng simbahan?
Hindi simbahan ang nagbibigay ng kaligtasan—ito’y tagapagturo, gabay lamang patungo sa Tagapagligtas. Walang ibang makapagliligtas kundi si Jesus.
“Ang itatawag mong pangalan sa Kaniya ay JESUS; sapagkat ililigtas Niya ang Kanyang bayan sa kanilang mga kasalanan.”
“Ngunit pinatunayan ng Diyos ang Kaniyang pag-ibig sa atin, na nang tayo’y makasalanan pa, si Cristo ay namatay para sa atin.” — Roma 5:8
May iba pa bang daan patungong langit?
“Walang kaligtasan sa kanino man: sapagkat walang ibang pangalan sa silong ng langit na ibinigay sa mga tao, na sukat nating ikaligtas.” — Mga Gawa 4:12
Ako’y pinalaki sa maka-Diyos na tahanan—sapat na ba iyon?
“Katotohanang sinasabi Ko sa iyo, malibang ang isang tao’y ipanganak na muli, ay hindi siya makakakita ng kaharian ng Diyos.” — Juan 3:3
Paano ko masusumpungan si Jesus?
“Ang Panginoon ay malapit sa may pusong wasak at nagdurusa, inililigtas Niya ang may mapagsisising espiritu.” — Awit 34:18
“Hanapin ninyo ang Panginoon habang Siya’y matatagpuan.” — Isaias 55:6
Diringgin ba Niya ang aking panalangin?
“Siya’y tatawag sa Akin, at sasagutin Ko siya; Ako’y sasakaniya sa oras ng kabagabagan: Aking ililigtas siya at ipapakita Ko sa kaniya ang Aking pagliligtas.” — Awit 91:15-16
Tinatanggap ba talaga ako ng Panginoon?
“Ang lumalapit sa Akin ay hindi Ko itataboy.” — Juan 6:37
“Magsiparito sa Akin, kayong napapagal at nabibigatan, at kayo’y Aking papagpapahingahin.” — Mateo 11:28
Bakit kailangang ipanganak na muli?
“Ang ipinanganak ng laman ay laman nga.” — Juan 3:6
“Ang laman at dugo ay hindi makapagmamanang kaharian ng Diyos.” — 1 Corinto 15:50
“Maliban ang isang tao ay ipanganak ng tubig at ng Espiritu, hindi siya makapapasok sa kaharian ng Diyos.” — Juan 3:5
Paano ako maipapanganak na muli?
“Magsisi kayo, at magpabautismo bawat isa sa inyo sa pangalan ni Jesucristo sa ikapagpapatawad ng inyong mga kasalanan, at tatanggapin ninyo ang kaloob ng Espiritu Santo.” — Mga Gawa 2:38
Ang bagong kapanganakan ay hindi lamang paniniwala, kundi pagsisisi, bautismo sa pangalan ni Jesus, at pagtanggap ng Espiritu Santo—tulad ng ginawa ng mga apostol at ng unang iglesia sa Aklat ng Mga Gawa.
“Talikuran ng masama ang kanyang mga gawa, at ng masamang tao ang kanyang mga iniisip; manumbalik siya sa Panginoon, at Siya’y magpapatawad ng sagana.” — Isaias 55:7
Paano kung sobra na ang bigat ng aking kasalanan?
“Magsiparito kayo ngayon… bagaman ang inyong mga kasalanan ay mapulang gaya ng karmesin, sila’y magiging mapuputi na parang niyebe.” — Isaias 1:18
Babanggitin pa ba Niya ang mga kasalanan ko sa hinaharap?
“Aking ipatatawad ang kanilang kasamaan, at ang kanilang kasalanan ay hindi Ko na aalalahanin.” — Jeremias 31:34
Tunay ngang iisa lamang ang daan patungong langit—at ang daang iyon ay si Jesus.
“Ako ang pintuan; sinumang pumasok sa pamamagitan Ko, ay maliligtas…” — Juan 10:9